Επιμενιδης, καθα φησι Θεοπομπος και αλλοι συχνοι, πατρος μεν ην Φαιστιου, οι δε Δωσιαδα, οι δε Αγησαρχου. Κρης το γενος απο Κνωσου, καθεσει της κομης το ειδος παραλλασσων. Ουτος ποτε πεμφθεις παρα του πατρος εις αγρον επι προβατον, της οδου κατα μεσημβριαν εκκλινας υπ' αντρω τινι κατεκοιμηθη επτα και πεντηκοντα ετη. Διαναστας δε μετα ταυτα εζητει το προβατον, νομιζων επ' ολιγον κεκοιμησθαι. Ως δε ουχ ευρισκε, παρεγενετο εις τον αγρον, και μετεσκευασμενα παντα καταλαβων και παρ' ετερω την κτησιν, παλιν ηκεν εις αστυ διαπορουμενος. Κακει δε εις την εαυτου εισιων οικιαν περιετυχε τοις πυνθανομενοις τις ειη, εως τον νεωτερον αδελφον ευρων τοτε ηδη γεροντα οντα, πασαν εμαθε παρ' εκεινου την αληθειαν. Γνωσθεις δε παρα τοις Ελλησι θεοφιλεστατος ειναι υπεληφθη.


La traduzione è visibile ai soli utenti Registrati