Γενομενη δ' ουν απ αρχης αυτοσχεδιαστικης - και αυτη και η κωμωδια, και η μεν απο των εξαρχοντων τον διθυραμβον, η δε απο των τα φαλλικα α ετι και νυν εν πολλαις των πολεων διαμενει νομιζομενα - κατα μικρον ηυξηθη προαγοντων οσον εγιγνετο φανερον αυτης· και πολλας μεταβολας μεταβαλουσα η τραγωδια επαυσατο, επει εσχε την αυτης φυσιν. Και το τε των υποκριτων πληθος εξ ενος εις δυο πρωτος Αισχυλος ηγαγε και τα του χορου ηλαττωσε και τον λογον πρωταγωνιστειν παρεσκευασεν τρεις δε και σκηνογραφιαν Σοφοκλης. Ετι δε το μεγεθος· εκ μικρων μυθων και λεξεως γελοιας δια το εκ σατυρικου μεταβαλειν οψε απεσεμνυνθη, το τε μετρον εκ τετραμετρου ιαμβειον εγενετο. Το μεν γαρ πρωτον τετραμετρω εχρωντο δια το σατυρικην και ορχηστικωτεραν ειναι την ποιησιν, λεξεως δε γενομενης αυτη η φυσις το οικειον μετρον ευρε· μαλιστα γαρ λεκτικον των μετρων το ιαμβειον εστιν σημειον δε τουτου, πλειστα γαρ ιαμβεια λεγομεν εν τη διαλεκτω τη προς αλληλους, εξαμετρα δε ολιγακις και εκβαινοντες της λεκτικης αρμονιας.


La traduzione è visibile ai soli utenti Registrati