Τελευτησαντος Πεισιστρατου, κατειχον οι υεις την αρχην, προαγοντες τα πραγματα τον αυτον τροπον. Ησαν δε δυο μεν εκ της γαμετης, Ιππιας και Ιππαρχος, δυο δ' εκ της Αργειας, Ιοφων και Ηγησιστρατος ω παρωνυμιον ην Θετταλος. Εγημεν γαρ Πεισιστρατος εξ Αργους ανδρος Αργειου θυγατερα, ω ονομα ην Γοργιλος, Τιμωνασσαν, ην προτερον εσχεν γυναικα Αρχινος ο Αμπρακιωτης οθεν και η προς τους Αργειους ενεστη φιλια, και συνεμαχεσαντο Χιλιοι την επι Παλληνιδι μαχην Ηγησιστρατου κομισαντος. Γημαι δε φασι την Αργειαν οι μεν εκπεσοντα το πρωτον, οι δε κατεχοντα την αρχην. Ησαν δε κυριοι μεν των πραγματων δια τα αξιωματα και δια τας ηλικιας Ιππαρχος και Ιππιας: πρεσεβυτερος δε ων δ' Ιππιας και τη φυσει πολιτικος και εμφρων επεστατει της αρχης. Ο δε Ιππαρχος παιδιωδης και φιλομουσος ην.


La traduzione è visibile ai soli utenti Registrati