Λυσιας ο Κεφαλου Συρακουσιων μεν ην γονεων, εγεννηθη δε Αθηνησι μετοικουντι τω πατρι και συνεπαιδευθη τοις επιφανεστατοις Αθηναιων. Ετη δε πεντεκαιδεκα γεγονως εις Θουριους ωχετο πλεων συν αδελφοις δυσιν, κοινωνησων της αποικιας, ην εστελλον Αθηναιοι τε και η αλλη Ελλας δωδεκατω προτερον ετει του Πελοποννησιακου πολεμου, και διετελεσεν αυτοθι πολιτευομενος εν ευπορια πολλη και παιδευομενος παρα Τισια τε και Νικια μεχρι της συμφορας της κατασχουσης Αθηναιους εν Σικελια. Μετ' εκεινο δε το παθος στασιασαντος του δημου εκπιπτει συν αλλοις τριακοσιοις αττικισμον εγκληθεις. Και παραγενομενος αυθις εις Αθηνας κατα αρχοντα Καλλιαν, εβδομον και τετταρακοστον ετος εχων, ως αν τις εικασειεν, εξ εκεινου του χρονου διετελεσε τας διατριβας ποιουμενος Αθηνησι.


La traduzione è visibile ai soli utenti Registrati