Ισαιος δε ο Δημοσθενους καθηγησαμενος και δια τουτο μαλιστα γενομενος περιφανης, ως μεν τινες ιστορουσιν, Αθηναιος ην το γενος, ως δ' ετεροι γραφουσι, Χαλκιδευς. Ηκμασε δε μετα τον Πελοποννησιακον πολεμον, ως εκ λογων αυτου τεκμαιρομαι, και μεχρι της Φιλιππου δυναστειας παρεξετεινε. Γενεσεως δε και τελευτης του ρητορος ακριβη χρονον ειπειν ουκ εχω ουδε δη περι του βιου τανδρος, οιος τις ην, ουδε περι της προαιρεσεως των πολιτευματων ουδεν, αρχην ει προειλετο τινα η πολιτειαν, ουδ' ολως περι των τοιουτων ουδενος δια το μηδεμια τοιαυτη περιτυγχανειν ιστορια. Ουδε γαρ ο τους Ισοκρατους μαθητας αναγραψας Ερμιππος, ακριβης εν τοις αλλοις γενομενος, υπερ τουδε του ρητορος ουδεν ειρηκεν εξω δυειν τουτων, οτι διηκουσε μεν Ισοκρατους καθηγησατο δε Δημοσθενους.


La traduzione è visibile ai soli utenti Registrati