οι δ' ημετεροι προγονοι ου λογισμω ειδοτες τους εν τω πολεμω κινδυνους, αλλα νομιζοντες τον ευκλεα θανατον αθανατον περι των αγαθων καταλειπειν λογον, ουκ εφοβηθησαν το πληθος των εναντιων, αλλα τη αυτων αρετη μαλλον επιστευσαν. και αισχυνομενοι οτι ησαν οι βαρβαροι αυτων εν τη χωρα, ουκ ανεμειναν πυθεσθαι ουδε βοηθησαι τους συμμαχους, ουδ' ωηθησαν δειν ετεροις της σωτηριας χαριν ειδεναι, αλλα σφισιν αυτοις τους αλλους Ελληνας. ταυτα μια γνωμη παντες γνοντες απηντων ολιγοι προς πολλους: ανδρες δ' αγαθοι γενομενοι, και των μεν σωματων αφειδησαντες, υπερ δε της αρετης ου φιλοψυχησαντες, και μαλλον τους παρ' αυτοις νομους αισχυνομενοι η τον προς τους πολεμιους κινδυνον φοβουμενοι, εστησαν μεν τροπαιον υπερ της Ελλαδος.


La traduzione è visibile ai soli utenti Registrati