Διο και γενη μεν εξ ειναι ρητεον πολιτειων, τρια μεν α παντες θρυλουσι και νυν προειρηται, τρια δε τα τουτοις συμφυη, λεγω δε μοναρχιαν, ολιγαρχιαν, οχλοκρατιαν. Πρωτη μεν ουν ακατασκευως και φυσικως συνισταται μοναρχια, ταυτη δ' επεται και εκ ταυτης γενναται μετα κατασκευης και διορθωσεως βασιλεια. Μεταβαλλουσης δε ταυτης εις τα συμφυη κακα, λεγω δ' εις τυραννιδ', αυθις εκ της τουτων καταλυσεως αριστοκρατια φυεται. Και μην ταυτης εις ολιγαρχιαν εκτραπεισης κατα φυσιν, του δε πληθους οργη μετελθοντος τας των προεστωτων αδικιας, γενναται δημος. Εκ δε της τουτου παλιν υβρεως και παρανομιας αποπληρουται συν χρονοις οχλοκρατια.


La traduzione è visibile ai soli utenti Registrati